As bases para participar no concurso son as seguintes:

• Poderán participar tódolos rapaces/as de educación infantil e primaria dos centros de ensino do Concello de Sanxenxo.
• Os traballos que se presenten terán que ser orixinais e inéditos. Presentaranse en tamaño DIN A4 con técnica libre. 
• Os traballos non poderán levar ningún material adicional (la, algodón, pasta, follas de árbores, etc..).
• Serán excluídos aqueles debuxos que presenten a técnica do calco.
• Temática do debuxo “SANXENXO NO NADAL”.
• Os debuxos deberán presentarse cos datos do autor no dorso do debuxo. Estes datos serán: Nome e apelidos, idade e centro de ensino ó que pertence.
• Establécense as seguintes categorías:
           o Educación infantil
           o 1º Ciclo de Educación Primaria
           o 2º Ciclo de Educación Primaria
           o 3º Ciclo de Educación Primaria
• Premiaranse o primeiro, segundo e terceiro traballo elixidos de cada categoría.
• Os premios desde concurso consisten nun lote de material escolar. Ademais, todos os premiados e finalistas estarán convidados a participar na Cabalgata de Reis organizada polo concello, que terá lugar o día 5 de xaneiro.
• Xurado cualificador será nomeado pola Concelleira de Educación, Cultura e Xuventude, e estará integrado por: técnicos municipais e representantes de asociacións culturais do Concello. O seu fallo será inapelable.
• O prazo improrrogable da presentación rematará o 12 de decembro do 2017 ás 10,00 horas. A entrega farase no mesmo centro de ensino e un responsable municipal recollerá os traballos ese día pola maña.
• Os traballos pasarán a ser propiedade do O.A. Terra de Sanxenxo, podendo ser utilizados na forma e fins que estime oportuno.
• Cos traballos presentados, farase unha exposición virtual na web municipal www.sanxenxo.es. Ademais, os traballos gañadores e finalistas estarán expostos ao público dende o 21 de decembro ata o 8 de xaneiro do 2018 nas instalacións do Pazo Emilia Pardo Bazán.