Tras a publicación no BOE da Resolución de 16 de novembro de 2021, do Instituto de Maiores e Servizos Sociais, pola que se convocan prazas para pensionistas que desexen participar no Programa de Termalismo do Imserso, iníciase o prazo de presentación de solicitudes de participación neste programa, conforme aos dous prazos establecidos:
- Para as quendas dos meses de febreiro a agosto de 2022, ambos inclusive: até o día 31 de decembro de 2021.
- Para as quendas dos meses de setembro a decembro de 2022: até o día 15 de maio de 2022.
Nos apartados correspondentes da páxina web do Imserso, recóllense en detalle os requisitos de acceso, presentación de solicitudes, prazos e quendas convocadas, prezo e pago das prazas, baremo de valoración dos expedientes de solicitude, balnearios participantes, formularios e demais información complementaria de interese.
Máis información na web do Imserso
