A deputación aprobou o proxecto para a subministración de marquesiñas presentado ao Plan Concellos.

O goberno de Sanxenxo presentou á convocatoria do plan concellos un proxecto para este ano 2018 valorado en 55.300€ e outro para o ano 2019, que ascende a 74.480€, para a adquisición de marquesiñas para as paradas de autobús.

Esta semana a Deputación de Pontevedra notificou a aprobación para financiar o investimento das primeiras 14 marquesiñas que se renovarán no Concello.

As localizacións serán as seguintes:

• A Costa, Dorrón.

• Avda. de León.

• Circunvalación.

• Montalvo.

• A Revolta.

• Empalme, Vilalonga.

• Gondar.

• Magaláns.

• Infantería de Mariña.

• Vinquiño

• O Santo.

• Rouxique.

• Soutullo, Noalla.

• Tramalleiro, Noalla. 

As marquesiñas terán unhas dimensións aproximadas de 2,50 X 1,20 X 2,20 metros, cun banco interior. Estarán cubertas con placas de polietileno e cun lateral de leste mesmo material e o outro de cristal.

O obxectivo principal deste proxecto é protexer aos escolares das liñas de autobuses das inclemencias do tempo durante os períodos de espera. Ademais de facer máis cómoda a espera e mellorar, en definitiva, a calidade do transporte escolar.