Un total de 380 veciños xa gozan desde o pasado 25 de xaneiro das dúas horas gratuítas do parking de Nauta.
O goberno local levaba ao último consello de administración de Nauta Sanxenxo, a posta en funcionamento das dúas horas gratuítas de aparcadoiro no parking da empresa municipal.
O sistema de funcionamento das 2 horas gratis para vehículos censados en Sanxenxo resúmese en:
- 2 horas gratis unha vez ao día.
- Non é posible escoller o tramo horario, o desconto aplicarase a primeira vez que se accede ao parking ese día.
- Tras esa primeira vez, e nos próximos accesos dese día, mesmo se non se usaron as dúas horas, só aplicarase o desconto dunha hora xa en vigor.
- Este desconto non se aplicará durante Semana Santa, Xuño, Xullo, Agosto e Setembro.
- Para obter o desconto será necesario darse de alta no propio aparcadoiro achegando os seguintes datos:
- Nome e apelidos.
- Matrícula do vehículo.
- Correo electrónico e número de teléfono.
- Estes datos serán verificados para comprobar que o vehículo está censado no Concello de Sanxenxo, é dicir que paguen o imposto de vehículos no municipio.
- Tras 24/48 horas recibirán un correo electrónico ou unha chamada para confirmar que xa se dispón do desconto. Sen esa confirmación non será aplicado o desconto.
- O desconto vai acondicionado á lectura da matrícula, polo que o usuario ao retirar o ticket terá que comprobar que a matrícula aparece rexistrada no mesmo.
As persoas que non poidan acollerse a estas dúas horas gratuítas seguirán gozando da primeira hora gratis no aparcadoiro como ata agora se viña facendo.
Estas medidas puxéronse en marcha co obxectivo de dinamizar a actividade económica de Sanxenxo nos meses de tempada baixa.