O núcleo de casas que se atopa próximo á Praia de Canelas carece na actualidade de servizo de saneamento de augas residuais.

É por iso que o goberno local redactou un proxecto valorado en 54.639€, que permita levar a cabo esta actuación e que será licitado esta semana. Este orzamento será financiado con cargo ao Plan Concellos da Deputación de Pontevedra.

As obras, que se estenderán ao longo de 200 m, consistirán no reformulo das mesmas, a apertura dunha gabia para a instalación das canalizacións e pozos de rexistro e a reposición do firme afectado polas obras. Esta actuación ten un prazo de execución de 3 meses.

Por ser unha zona sensible, foi necesario obter as seguintes autorizacións sectoriais que permitan a execución dos traballos.:

• Servizo provincial de Costas.
• Servizo de Urbanismo da CMAOT.
• Plan de Ordenación do Litoral.
• Autorizacións de particulares: dado que unha parte do colector de saneamento discorre por terreos de titularidade privada, os propietarios destas parcelas deben autorizar a súa instalación.