Esta mañá tivo lugar unha actividade, organizada polo Colectivo Ecoloxista do Salnés en colaboración coa concellería de Medio Ambiente do municipio.
Nos últimos anos este colectivo leva a cabo varias campañas anuais para a eliminación de especies exóticas invasoras na zona de Baltar. O Concello pola súa parte colabora aportando ferramentas e xestionando a eliminación das plantas arrincadas.
En base a isto, un grupo de 36 alumnos e alumnas de 4º de ESO do IES Sanxenxo participaron hoxe nesta actividade práctica, logo dunhas sesión de formación teórica nas aulas.
Este programa ten como finalidade, ademais de eliminar estas especies, fomentar e sensibilizar na protección do medio ambiente aos escolares do municipio.