Unha nova edición do concurso de tapas Sanxenxo Degusta tapas terá lugar dende o 17 de maio ata o 10 de xuño.

Dende turismo de Sanxenxo enviáronse as bases para participar no Concurso aos profesionais de hostalería do municipio. O prazo para inscribirse remata mañá xoves e todos aqueles que desexen inscribirse poderán facelo na sede de turismo de Sanxenxo, localizada no Porto Deportivo ou a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo.

Así veciños e visitantes poderán desfrutar das propostas gastronómicas dos profesionais do municipios que se sumarán a unha nova edición deste certame gastronómico.

Para participar é preciso cumprir un requisito de estar dado de alta como restaurante, cafetería, bar ou establecemento de aloxamento dentro do termo municipal.

Cada establecemento poderá elaborar un máximo de dúas tapas, podendo participar na modalidade de tapa tradicional ou tapa creativa. Ademais pódese engadir unha terceira tapa doce(postre), que manterá o prezo de outras edicións, 2€.

Serán dous os xurados que avalíen as tapas, un popular e un profesional, e outorgarán premios á mellor tapa tradicional, a mellor tapa creativa e a mellor tapa doce.

Para emitir o seu voto o público deberá visitar alomenos cinco establecementos, podendo participar así en sorteos e regalos que se entregarán ás persoas que se acerquen a degustar as tapas.
Ademais, Turismo de Sanxenxo emprenderá diferentes accións de difusión do certame, de maneira que os participantes aparecerán nos folletos, carteis e “degustamapas”. Terán tamén unha presenza destacada na web municipal e nas redes sociais.