Onte pola mañá entregáronse no Pazo Emilia Pardo Bazán, os diplomas ás asistentes ao curso de aprendizaxe de español para persoas estranxeiras. Un curso posto en marcha a través do plan de voluntariado do municipio.

O pasado mes de outubro, unha vez detectada a necesidades destas persoas, dende os servizos sociais municipais articulouse a actividade, contando con Marta Lázaro, unha profesora voluntaria que impartiu clases no Pazo Emilia Pardo Bazán a un grupo de 5 persoas estranxeiras residentes en Sanxenxo.

As clases desenvolvéronse dous días á semana, os martes e xoves, con unha hora de duración cada día.

Estas sesións tiveron como obxectivo proporcionar ao alumnado as ferramentas básicas do idioma, co obxectivo de facilitar a súa comunicación diaria.