Durante os meses de xullo e agosto, a concellería de Servizos Sociais poñerá en marcha un taller de destrezas manuais e habilidades cognitivas para maiores.

Estes obradoiros serán os luns na Casa das Canteiras de Noalla, os mércores, no Usos Múltiples de Portonovo e os xoves no Pazo Emilia Pardo Bazán, en horario de 10h. 12h.

Para inscribirse no programa, os interesados ​​poderán facelo nas oficinas de servizos sociais de Portonovo ou nos lugares onde se realicen os talleres.

Andainas de verán

Ademais, todos os venres de xullo e agosto, de 9.30h. a 11.30h., aproximadamente, realizaranse andainas para maiores no concello.

Para participar, será necesario rexistrarse antes do xoves de cada semana, nas oficinas de servizos sociais ou por teléfono no 986.72.79.01.

A primeira andaina será o venres 6 de xullo, que sairá de servizos sociais e recorrerá Caneliñas, Punta Seame, Canelas, Punta Cabicastro e regresará ao punto de partida. "Queremos que o nosos maiores teñan tamén no verán os seus propios espazos de entretemento e de relación, dándolles a oportunidade de facer o que máis lles guste." Destaca Silvia Freire.

CLAUSURA TALLER DE MEMORIA E ACTIVIDADE FÍSICA

Onte realizouse a clausura do taller de memoria e o programa de actividade física para persoas maiores. Entre os dous programas sumaron un total de 375 participantes.

No acto, ademais duns diplomas individuais, proxectáronse dous vídeos nos que se recolleron fotos das actividades realizadas durante o curso. Tamén se entregou un detalle aos voluntarios que colaboraron co taller de tivo lugar unha actuación de Miguel de Combarro, que participou no acto de forma totalmente desinteresada.

O taller de memoria ten como obxectivo a estimulación de facultades habilidades cognitivas nas persoas maiores, e organizouse en nove grupos repartidos por todo o Concello para facilitar o acceso dos veciños: Nantes, Dorrón, Bordóns, Noalla, Vilalonga, Portonovo, Sanxenxo e Adina .