Debido ao estado de deterioro dos lavadoiros de A Ferreira, en Nantes e de A Igrexa, en Noalla, o goberno local está acometendo unha actuación de conservación e mantemento, para mellorar tanto as condicións estéticas como a súa funcionalidade. Así como tamén a seguridade á hora de empregar estes lavadoiros, recuperando o seu carácter orixinal.
Xa que estes lavadoiros forman parte dos bens que integran o patrimonio etnolóxico e co fin de preservar o patrimonio cultura, as actuacións a realizar serán harmoniosas e coherentes cos valores xerais do entorno. Coidando en todo momento a integración dos materiais, sistemas construtivos, tipoloxía e cromatismo.
Para a restauración do lavadoiro de Nantes, levaranse a cabo os seguintes traballos.
-
Limpeza e desbroce.
-
Limpeza da pedra con auga a presión.
-
Picado e rexuntado de xuntas.
-
Hidrofugado da fonte e lavadoiro e pintado exterior.
-
Desmontaxe da cuberta existente para colocar tella cerámica no seu lugar.
-
Reparación do saneamento.
A actuación no lavadoiro de Noalla consistirá en:
-
Limpeza e desbroce, do lavadoiro, do acceso e do entorno.
-
Limpeza da pedra e hidrofugado de muros.
-
Picado e rexuntado de xuntas.
-
Reparación do caño para corrixir a saída da auga e conexión á rede de saneamento existente.
-
Por último, reparacións en solados e muros.
Estas dúas actuacións terán un presuposto aproximado de 10.000€, que serán financiados á través da liña de subvencións para a rehabilitación e sinalización do patrimonio histórico-cultural da Deputación de Pontevedra.