Despois do proceso de licitación da pavimentación e reparación de varios viales no termo municipal, o goberno adxudicou á empresa MARCONSA a execución da devandita actuación, cun orzamento que ascende a 104.900€, financiados con cargo ao Plan Concellos 2017.
O proxecto inclúe a pavimentación e reparación dos seguintes viales e camiños, que suman 1,5km:
Rúa Vento, en Sanxenxo.
Rúa dás Cunchas, en Sanxenxo.
Camiño Recarei- Igrexa, en Dorrón.
Camiño Major, en Noalla.
Camiño Lagarei- Arnosa, en Vilalonga.
Camiño Salgueira, en Vilalonga
O primeiro en executarse foi o Camiño Major, en Noalla. E os seguintes en levarse a cabo serán a zona de Recarei- Igrexa, en Dorrón, Lagarei- Arnosa, en Vilalonga e A Salgueira, tamén en Vilalonga. Os dous viales de Sanxenxo, Rúa Vento e Rúa dás Cunchas, serán executados ao terminar a tempada estival para obstaculizar o menos posible aos usuarios da zona.
As actuacións consistirán na limpeza das cunetas e as marxes, fresados localizados e apertura dunha caixa na plataforma para a dotación dunha capa basee (de zahorra ou macadam) e o bacheo para a regularización do firme. A continuación, estenderase unha capa de rodaxe con mestura bituminosa en quente e a posta das tapas das pozas de rexistro e a sinalización horizontal.
Para poder actuar nestes viales foi necesario solicitar autorizacións a Augas de Galicia, Deputación de Pontevedra, Consellería de Cultura e Educación e Consellería de Medio Ambiente e Ordenación do Territorio, por estar algúns dos viales afectados por canles de rega, por ser zonas de servidume e protección, por estar afectados por zonas de protección do patrimonio ou pola zona de mellora ambiental e paisaxística.