O goberno leva o pleno do próximo luns a conxelación da gran maioría dos impostos e taxas. É o caso do imposto de vehículos, a taxa de lixo, as garderías, o servizo de atención ao fogar, o ICIO, a piscina, o centro de día, a recollida de mercados, o guindastre, vaos, licenza de apertura, plusvalías, estadas e outros moitos.
A proposta inclúe tamén a actualización da taxa de auga, saneamento e depuración en base ao IPC de xullo, que foi dun 2,2%. Este é o mes que tradicionalmente se ten en conta para a actualización que vén obrigada polo contrato de concesión da auga.
Ademais, tal e como xa se anunciou hai uns días reducirase o IBI, o imposto co que maior recadación anual obtense 6,8 M€. O IBI urbano reducirase un 10%, do 0,44% ao 0,40%, que é o mínimo legal. A proposta do goberno tamén inclúe a redución do IBI rústico nun 20%, do 0.48% ao 0,40%.
INGRESOS ANUAIS POR IMPOSTOS E TAXAS
-
IBI 6,8 M€
-
Recollida de lixo 1,9 M€
-
Saneamento 1 M€
-
Auga 1,2 M€
-
Imposto vehículos 0,7 M€