Ofértanse un total de 18 actividades para nenos/as de entre 3 e 16 anos
Os boletíns informativos e as inscricións repartíronse nos centros educativos e tamén están dispoñibles no Pazo Emilia Pardo Bazán e na páxina web municipal.
A Escola de Música comezará o 8 de outubro, mentres que o resto das actividades darán comezo a semana do 15 de outubro. As inscricións poderán entregarse no Pazo Emilia Pardo Bazán e nos centros educativos ata o 1 de outubro, excepto a inscrición para o Centro de Arte que deberá entregarse exclusivamente no Pazo Emilia Pardo Bazán. En canto á Escola de Natación, a inscrición deberá facerse directamente na Piscina Municipal, a partir do 1 de outubro.
Entre as novidades para este curso destaca a ampliación da oferta da Escola de Música tanto en número de instrumentos impartidos como no ensino para idades temperás. Así, ás 12 materias instrumentais que xa se impartían (clarinete, frauta, guitarra, óboe, percusión, piano, saxofón, trombón, trompa, trompeta, tuba- bombardino e violonchelo) engádese a de contrabaixo. Ademais, este ano amplíase a oferta de Música e Movemento aos nenos e nenas de 3 e 4 anos pasando a chamarse Iniciación Musical. Sen dúbida a Escola de Música é a actividade que máis melloras presenta para este curso 2018-19. Cada unha delas responde á demanda realizada polos pais e nais nunha reunión mantida o curso pasado cos responsables da organización da Escola de Música.
“Tentamos que a oferta de actividades non ámbito cultural sexa ou máis ampla posible complementándose esta coa de cada ANPA e facendo así que as familias teñan a posibilidade de conciliación ao mesmo tempo que vos nenos e meniñas reciben unha formación complementaria”, afirmou Paz Lago, concelleira de Educación, Cultura e Mocidade.
Tamén se producen novidades na Escolas Deportivas, xa que neste curso incorpóranse dúas novas actividades, bádminton e xogos, que veñen dar resposta ás demandas feitas polas familias en anos anteriores. A actividade de bádminton está dirixida a alumnado de Educación Primaria e ESO. Pola súa banda, a actividade de xogos está dirixida a alumnado de Educación Infantil e de 1º a 4º de Educación Primaria e nela dáse cabida a aqueles alumnos que, sen querer practicar un deporte, poidan gozar de diferentes xogos e beneficiarse da realización de actividade física e das condicións de saúde que esta reporta.
“ Dende ou seu comezo, as Escolas Deportivas sempre tiveron moi boa acollida superando cada ano os 500 alumnos. Ao longo do tempo sumamos novos acordos con clubs deportivos e novas actividades, tendo así oferta deportiva desde Educación Infantil ata a ESO”, afirmou o concelleiro de Deportes, Jesús Sueiro.
ESCOLAS PARA ADULTOS
Os adultos tamén contan con espazo neste programa de escolas municipais. Así pois, un ano máis se ofrecen dúas actividades: MÚSICA E CENTRO DE ARTE.
O Centro de Arte é un taller de creación artística que ofrece ao alumnado gran dispoñibilidade horaria para o seu traballo, podendo acceder libremente ao Centro en todas aquelas horas que este permanece aberto:
HORARIO DE MAÑÁ: 12.00 h / 14.00 h de luns a xoves
HORARIO DE TARDE: 19.30 h / 21.30 h. de luns a xoves
O traballo estará guiado por dous docentes licenciados en Belas Artes apoiando, motivando e orientando de forma personalizada o labor de cada alumno, que poderá traballar os diferentes procedementos artísticos en función das súas necesidades creativas.
A Escola de Música ofrece unha formación práctica en música, dirixida a afeccionados e tamén a aquelas persoas que desexen orientarse cara a estudos profesionais. As materias que se imparten son linguaxe musical, guitarra e piano.
