Un ano máis, o próximo fin de semana, Dorrón celebrará as súas festas da vendima e en honra a San Miguel.
A cita comezará o venres 5 no Campo de fútbol, coa Festa da Mocidade. Nela, a partir das 23.00 h. poderase gozar da música de DJ. Víctor Rivas ( Buddha Sanxenxo) e DJ. Mario CL (Residente en Eivissa). Ademais, haberá sorteos, e bebidas e bocadillos a prezos populares.
O sábado, a partir das 9.00 h. alborada a cargo do grupo de gaitas, Os do Barro. A misa solemne será ás 13.00 h, seguida da procesión. A continuación, terá lugar a actuación do grupo folclórico Soalleira de Dorrón.
Pola noite, a partir das 22.00 h. verbena amenizada polas orquestras Gran Parada e Trovadores. Durante esta verbena farase un sorteo do tradicional barril de viño e unha noite de hotel para dúas persoas no hotel SPA Torre do Deza.