Despois de moitos anos de espera, esta demanda histórica dos veciños de Vilalonga está cada vez máis próximo de ser unha realidade.
Un edificio amplo, con dúas plantas que inclúe, entre outros equipamentos, un auditorio e que ten un orzamento total de 1.555.577€.
A tramitación da asignación do remanente de tesourería é longa, pero o goberno púxose o obxectivo de sacar esta licitación antes de terminar o ano.
A construción deste edificio interrompeuse en 2008 cando estaba feita a cimentación e unha parte da estrutura, nas que se investiron preto de 300.000€.
A parcela na que está situado, en Ou Revel, ten unha extensión de máis de 2.500 m2 e conta cos servizos de rede de abastecemento de auga e saneamento, enerxía eléctrica e a zona dispón de beirarrúas e iluminación público.
Nestes momentos o goberno dispón dun proxecto, que xa se contou anteriormente, no que o novo edificio tería unha superficie de 1.500 m2, distribuídos en 2 plantas de 870 m2 e 633 m2.
A planta baixa, que é a máis ampla inclúe un hall, un auditorio e 3 vestiarios. Unha cafetería, aseos xerais, unha oficina de información, arquivo, gardarroupa e un local de limpeza.
A primeira planta, que terá o seu propio acceso independente a través do soportal, inclúe un hall distribuidor, unha ampla biblioteca, 3 aulas de formación, 3 despachos e uns aseos.
O proxecto inclúe a creación dun aparcadoiro dentro da parcela de 2.500 m2. O orzamento de execución das obras ascende a 1.555.577€ e ten un período de execución de 12 meses.
O goberno fará unha reunión coas diferentes asociacións e colectivos de Vilalonga para presentar este proxecto.
