O sábado día 10, ás 20.00 h. no campo municipal de Baltar, terá lugar un partido solidario a favor de ASSEII. A asociación ASSEII, Asociación Socio Sanitaria, Enfermidades Inflamatorias Intestinais e Ostomizad@ s, será a agrupación á que irán destinados os beneficios deste partido que enfrontará a dous equipos locais e que terá un prezo de entrada de 5 €.
ASSEII, créase en Pontevedra, en xullo de 2013 co obxectivo de asesorar e proporcionar axuda social, sanitaria, psíquica, física, fiscal, laboral, terapéutica e asistencial a todas as persoas afectadas polas enfermidades inflamatorias intestinais. Buscan tamén facilitar o benestar social das persoas con EII e ostomizadas, colaborando e contribuíndo coas entidades públicas no
establecemento de cantas disposicións legais sexan necesarias para fomentar e garantir a máxima protección posible deste colectivo, e evítese calquera prexuízo social lográndose a total integración social.
Esta asociación leva a cabo acciones para promover a integración social e laboral destas persoas entre os colectivos da sociedade. Xestionando actuacións e intereses encamiñados ao devandito fin, ante posibles situacións de risco de exclusión social por razóns de saúde física, por saúde mental, por motivos económicos, sociais e pola súa discapacidade orgánica funcional.
O programa PRECISO PASARI, é unha das accións postas en marcha por ASSEII, que tenta concienciar á sociedade sobre os efectos colaterais das Enfermidades Inflamatorias Intestinais e das persoas Ostomizadas e como estas afectan á vida social dos pacientes.
A través do programa ASENTAR, desde ASSEII e cunha psicóloga profesional recollen a importancia de ofrecer tratamento psicolóxico de corte cognitivo- conductual, constatando que este tipo de tratamento repercute nunha melloría da calidade de vida dos e as pacientes.
E, por último, o programa Great Comebacks, é un programa de apoio e de recoñecemento que serve para dar a coñecer aos pacientes, aos seus familiares e amigos, e ao público en
xeral, que a ostomía pode ser unha segunda oportunidade para lograr os seus soños, e vivir unha vida plena e produtiva.
Desde ASSEII no noso municipio axudan e colaboran con un gran número de persoas, por iso desde o goberno local anímase a veciños e visitantes a participar nese evento e colaborar con esta asociación que desenvolve un labor tan importante no ámbito das enfermidades inflamatorias intestinais.
