Turismo de Sanxenxo pon en marcha desde hoxe a iniciativa “Debuxa Sanxenxo” pensada para nenos e nenas do municipio ou calquera zona do territorio nacional ou internacional. A actividade consiste en que debuxen o que máis lles gusta de Sanxenxo, o seu mellor recordo do municipio ou o primeiro lugar ao que volverán #CandoTodoEstoPase, co arco da vella da campaña #TodoEstoPasará e envíeno escaneado ou fotografado co seu nome, apelidos e idade a través do correo electrónico Este enderezo de correo está a ser protexido dos robots de correo lixo. Precisa activar o JavaScript para velo.. Ademais, se as súas familias anímanse, poden compartir os debuxos de péquelos nas redes sociais co hashtag #DibujaSanxenxo e etiquetar a Turismo Sanxenxo na publicación.

A actividade ten como finalidade que os máis pequenos da casa, nenas e nenos, pasen un intre divertido debuxando Sanxenxo durante o confinamento no domicilio con motivo da crise sanitaria xerada polo Covid19. Trátase dun entretemento de carácter gratuíto, sen afán competitivo ou retribución, pensado para nenos e nenas de ata doce anos.

Todos os debuxos recibidos exporanse na Oficina de Turismo de Sanxenxo (Porto Deportivo Juan Carlos I, s/n. Sanxenxo) durante este verán e se os autores visitan a oficina coas súas familias, ademais de verse protagonistas na mostra, recibirán de agasallo unha caixa de pinturas para colorear. O debuxo apareceraá exposto xunto co nome do autor ou autora (nome e apelidos), a idade e o título que lle deu á súa obra.

As bases do concurso poderán consultarse na web e nas redes sociais de Turismo de Sanxenxo. O prazo conclúe o próximo 11 de abril.