O Concello de Sanxenxo retoma a atención con cita previa telefónica en todos os departamentos municipais e recomenda a tramitación telemática, sempre que sexa posible, a partir do próximo luns. O goberno local busca deste xeito axudar a rebaixar a curva de contaxio e reducir os casos activos que, nestes momentos, sitúanse en 18, evitando desprazamentos innecesarios. A situación sanitaria en Sanxenxo mantense polo momento estable, sen rexistrar picos de contaxio e con 16 casos menos que cando se decretou a entrada en restricións o pasado 1 de outubro.

A partir de agora, as persoas que desexen realizar unha consulta presencial nalgún dos departamentos municipais deberán de chamar ao teléfono do Concello 986 720 075 e solicitar cita previa na área que precise. Unha modalidade que xa se leva aplicando nalgunhas áreas municipais como Servizos Sociais onde a atención realízase previa cita telefónica desde despois do confinamento. Tamén no servizo de bibliotecas para consulta en sala realízase con cita previa desde a reapertura fai un par de semanas.

A intención do goberno é aplicar esta nova medida de forma inmediata coincidindo coa entrada de toda Galicia na fase 2, pero dará unha marxe de dous días para que os veciños póidanse adaptar á nova situación. Desde mañá, ás portas do Concello, unha persoa regulará as entradas aos distintos departamentos. "É preciso que todos nos concienciemos da gravidade da situación polo que é necesario respectar as restricións e tomar as medidas que sexan precisas para dobrar a curva de contaxios en toda a comunidade", apunta o alcalde, Telmo Martín.