Bascuas contará nas próximas semanas cun novo valado que substituirá ao actual que se atopa moi deteriorado. O material que se está empregando é plástico reciclado que garante unha maior resistencia e durabilidad. En total, son 110 metros de valo que reforzarán a seguridade na contorna ademais de ofrecer unha mellor imaxe.

 

Mentres se realizan estes traballos, tamén se está renovando a pasarela de madeira de Foxos, unha actuación que concluirá esta semana e que se suma ás substitucións xa realizadas en Major e Pragueira. Montalvo será a próxima praia na que se actúe coa renovación total dun dos accesos ao areal que coincide coa baixada da zona dos cámpings.