A oficina de Portonovo abrirá desde este venres en horario de 10 a 14 e de 16 a 19:30 horas igual ca do porto deportivo de Sanxenxo

Sanxenxo contará con dous puntos de información turística durante Semana Santa. A oficina situada en Baltar, enfronte ao centro de saúde, abrirá a partir deste venres para atender aos visitantes en horario de apertura de 10 a 14 horas e de 16 a 19:30 horas. O mesmo horario seguirá a oficina turística do porto deportivo de Sanxenxo.

O punto de información turístico portonovés volverá estar operativo esta semana Santa tras dous anos de pandemia na que tan só se mantivo aberta a do porto deportivo en 2021.

Durante o pasado verán, pasáronse polas oficinas de turismo 7.353 persoas. O maior número rexistrouse no mes de agosto, 3.287, seguido de xullo, 2.458, setembro, 1.283 e xuño, 325.

Respecto ao tipo de información que solicitan os turistas destaca os lugares de interese para visitar, planos do municipio, viaxes a illas en barcos, natureza, praias, rutas de sendeirismo, cultura, festas, gastronomía e adegas.