Sanxenxo consolida o seu liderado no verán, incrementando 2 puntos a súa cota de mercado galego e provincial con respecto á prepandemia.
Segundo o INE en agosto Sanxenxo alcanzou as 239.515 pernoitas hostaleiras, un 0,3% menos que en 2019. Aínda que por diante de Santiago de Compostela que sumou 206.665 en ano Xacobeo e A Coruña con 130.907 pernoitas e dobrando as 116.849 de Vigo que ocupou o cuarto posto a nivel galego.
As pernoitas hostaleiras en Sanxenxo son só unha parte do total das prazas de aloxamentos turísticos. As 11.054 segundas residencias, as 2.354 vivendas turísticas e os 12 cámpings suman 82.000 prazas de aloxamentos a maiores das prazas hostaleiras.
As 239.515 pernoitas hostaleiras de agosto supoñen o 14,9% do total de Galicia (1.614.359) e o 34,7% da provincia (690.302). En ambos os casos supón un incremento substancial da cota de mercado xa que antes da pandemia sumabamos no verán o 13% de Galicia e o 33% da provincia.
Se facemos un balance do que levamos de tempada alta de turismo (faltan os datos de setembro) e comparámola co 2019, o mellor ano turístico até agora, vemos que desde maio até agosto Sanxenxo sumou 583.437 pernoitas hostaleiras case 2.000 máis que antes da pandemia.
Pernoitas hoteleras |
2019 |
2022 |
Maio |
49.404 |
53.160 |
Xuño |
87.619 |
87.343 |
Xullo |
197.788 |
203.419 |
Agosto |
246.657 |
239.515 |
SUMA |
581.468 |
583.437 |