As actividades concentraranse nas distintas prazas e espazos públicos do municipio
Sanxenxo programa un verán cheo de actividade no que a música, cine, arte, maxia, tradición e espectáculo serán os protagonistas. Un ano máis, a Concellería de Cultura e Eventos, dirixida por Elena Torres, volverá contar coa colaboración de colectivos locais. "Hai actividades para todos os públicos e todas as idades. O obxectivo é que poida gozar toda a familia", asegura Torres. Non faltarán os Obradoiros de Verán polas distintas parroquias nin tampouco o Cine na Rúa.
A VII Xuntanza de Labores na Rúa abriu este sábado a axenda cultural na Praza Pascual Veiga. O próximo 7 de xullo, a Casa Mariñeira de Portonovo acollerá "Os sons do bosque" de Charo Jaular Zamora, dentro do Festival Internacional de Narración Oral Atlántica. O 13 e 14 de xullo, o Programa Cultura no Camiño trae á Praza dos Barcos, "Molto Barroco" de Píscore, un espectáculo de música e humor, e á Casa de Don Fernando, "Cacho Animalada, Vero Rilo", un espectáculo de narración oral.
O 21 de xullo, o parque do Espiñeiro acollerá un espectáculo de circo do SU.MA, “Glamping”. A Fonte de Ramos acollerá o próximo 24 de xullo o concerto de Budiño dentro do programa Musigal "Concerto de son tradición".
Dorrón gozará o 25 de xullo na contorna do Muiño da Costa da sexta edición da Muiñada Soalleira. O 28 de xullo, a zona de estacionamento da praia de Montalvo acollerá o Festival Sartenazo Surf co concerto de Cubo Metálico e Somoza Trío.
O XIII Mundial de Colchóns volverá, un ano máis, a tomar a Praia dos Barcos e de Panadeira o próximo 30 de xullo. Portonovo acollerá durante este mes un espectáculo de maxia en distintos tramos horarios "O romance do Conde Cagliostro" do Mago Antón.
O 4, 5 e 6 de agosto Montalvo acollerá a Feira de Produtos Galegos cunha degustación de produtos típicos, exposición e talleres de artesanía. A Casa de Don Fernando de Portonovo, o 4 de agosto, acollerá o espectáculo "Cé Orquestra Pantasma". O 5 de agosto, a Praza de Fonte de Ramos, acollerá o XV Festival de Bandas de Música.
O "VIII Certame de Pintura Rápida, Arra como antiga parroquia" terá lugar o 6 de agosto e o 10 de agosto, a banda de gaitas folk e grupo de baile "Os Coribantes" actuarán na Praza de Fonte de Ramos.
Noalla acollerá o 11, 12 e 13 de agosto a Festa da Ostra. As inmediacións do campo de fútbol acollerán esta tradicional celebración gastronómica co bivalvo como protagonista. O 12 de agosto, a Coral Polifónica Santa María de Adina celebrará o seu tradicional festival na Casa de Don Fernando. O 17 de agosto, a Rosa dos Ventos acollerá "Se der corda. Circo no Ato".
Bordóns celebrará a súa Festa Labrega o 19 de agosto e o 27 de agosto a XXIII Milla Vila de Sanxenxo tomará o Paseo de Silgar. As xornadas de "Sanxenxo na Historia" repasarán o 28, 29 e 30 de agosto a historia, cultura e tradicións populares no Auditorio de Emilia Pardo Bazán
 [PDF] PROGRAMA VERÁN 2023 | [ ] |
