O concelleiro de Medio Ambiente, Yago Torres, recolleu esta mañá en Carballo o diploma acreditativo.
Sanxenxo, 14 de novembro de 2025.- Sanxenxo revalida o seu dobre galardón de Vilas en Flor polo coidado dos seus espazos verdes con dúas Flores de Honra. O concelleiro de Medio Ambiente, Yago Torres, asistiu esta mañá ao acto de entrega celebrado no Edificio Forum en Carballo. Para esta edición, o Concello sumou como novo espazo ás súas 220 zonas verdes, o Miradoiro da Peixeira, así como a nova zona axardinada da Panadeira. “É un orgullo seguir estando entre os municipios de referencia de espazos verdes e tentaremos seguir mellorando en vindeiras edicións”, asegura Yago Torres.
Vilas en Flor é un programa que quere amosar a riqueza natural e paisaxística do territorio mediante o recoñecemento público de todos aqueles proxectos de axardinamento, ornamentación floral, mobiliario urbano e espazos lúdicos que son un exemplo a seguir. As Flores de Honra son o distintivo que se conceden anualmente aos municipios participantes no programa Vilas en Flor segundo o criterio dun xurado especializado.
O programa segue a estela de programas similares xa en funcionamento noutros países como Francia (Villes et Villages Fleuris, que foi creado en 1959 e serviu de modelo ao resto de proxectos que se iniciaron posteriormente), Italia (Comuni Fioriti), Reino Unido (Britain in Bloom), Irlanda (Tidy Towns) ou Canadá (Communities in Bloom).
Vilas en Flor é un programa que quere amosar a riqueza natural e paisaxística do territorio mediante o recoñecemento público de todos aqueles proxectos de axardinamento, ornamentación floral, mobiliario urbano e espazos lúdicos que son un exemplo a seguir. As Flores de Honra son o distintivo que se conceden anualmente aos municipios participantes no programa Vilas en Flor segundo o criterio dun xurado especializado.
