Noalla volve apostar polo seu Bosque de Nadal, Vilalonga pola Aldea de Nadal e a Rúa dos Viños será outro dos epicentros festivos
Sanxenxo, 25 de novembro de 2025.- Baixo unha carpa de máis de 2.000 metros cadrados, convertida no Pazo de Nadal, Sanxenxo gozará dun Nadal diferente e cunha ampla programación pensada para o goce en familia. Ao mercadiño de Nadal, as pistas de xeo e americana, súmase unha ampla programación con máis de vinte actividades diferentes. Música, baile, contacontos, espectáculos e xogos enriquecerán a oferta do Pazo de Nadal desde a súa inauguración o próximo 5 de decembro.
Coincidindo co acendido do alumeado de Nadal con 345 motivos repartidos por 84 espazos públicos distintos, Os Bolechas e Javi Solla tomarán a Praza dos Barcos. Ás 21 horas, subirán ao escenario do Pazo de Nadal as Broken Peach. O 6 de decembro, de 13 a 14 horas, @deviño levará á carpa os cantos de taberna; de 17 a 20 horas, os máis pequenos poderán gozar de xogos de Nadal e ás 19:30 horas, Uxía Lambona e a Banda Molona. O 7 de decembro, de 17 a 20 horas, xogos de Nadal e ás 19:30 horas, o Mago Teto. O 8 de decembro, de 17 a 20 horas, xogos de Nadal e ás 21 horas, Family Folks.
O 12 de decembro, de 17 a 21 horas, Encontro coa Cultura Urbana e o 13, de 17 a 20 horas, Xogos de Nadal, e ás 21 horas, Blue Monk. O 14, ás 13 horas, Obradoiro de Cociña. Receitas de Nadal de Toñi de Vicente. De 17 a 20 horas, xogos de Nadal coa participación do Trasno de Nadal.
O 19 de decembro, o mundo youtuber toma o Pazo de Nadal con música e videoxogos a partir das 21 horas. O 20 de decembro, de 17 a 20, xogos de Nadal; ás 18 horas, obra de teatro infantil, e ás 21 horas, Os fabulosos Weekend. O 21 de decembro, Encontro Sanxenxo K-POP, de 11 a 14 horas, e xogos de Nadal de 17 a 20 horas.
O 22 de decembro, de 17 a 20 horas, haberá xogos de Nadal para os máis pequenos. O 23, de 12 a 13:30, o Pazo de Nadal recibirá a visita do Grinch; de 17 a 20 horas continuarase cos xogos de Nadal e, a partir das 19:30 horas, Gramola Gominola. O 24 de decembro, de 17:30 a 22 horas, Papá Noel recibirá aos nenos e nenas de Sanxenxo aos que poderán entregar as súas cartas e fotografarse con el. O 25 de decembro, poderá gozarse de actividades como a pista de xeo e americana, así como da zona de restauración.
O 26 de decembro, ás 17 horas será a final do Encontro K-POP e ás 21 horas haberá un concerto de Teo Cardalda. O 27, de 17 a 20 horas, xogos de Nadal, e ás 20 horas, Isto é rock con Carolina Rubirosa e Javier Becerra, o 28 de decembro, de 17 a 20 horas, xogos de Nadal e ás 19 horas, panxoliñas con Maravallada.
O 29 de decembro, ás 17 horas, o Apalpador visitará o Pazo e ás 21 horas, Cantos de Taberna con @deviño. O 30 de decembro, ás 21 horas, actuará o Trío Somoza. O 31 de decembro e o 1 de xaneiro mantense durante todo o día a actividade na carpa.
O 2 de xaneiro, ás 21 horas, A Movida; o 3, ás 17:45 horas, A bailar no Nadal, espectáculo interactivo para a infancia, e ás 21 horas, Mambas Negras. O 4 de xaneiro, ás 17 horas, ciencia que alimenta con Roto e Descosida e ás 19:30 horas, Pakolas. O 5 de xaneiro, de 12:30 a 13:30 horas, Danza de Reis; de 16 a 18 horas, Recepción Real; ás 18 horas saída da Cabalgata de Reis cara a Portonovo onde culminará a comitiva cun Belén Vivente.
O Concello tamén colabora con outras iniciativas que se consolidan no calendario de Nadal como o Bosque de Nadal, en Noalla; a Aldea de Nadal na Praza Pública de Vilalonga ou a programación dos hostaleiros da Rúa dos Viños, outro dos epicentros festivos. Así como tamén se manteñen os “Recunchos de Nadal. Unha asociación, unha árbore”, unha proposta recibida con éxito polos colectivos e que repite este ano. O Concello doa 45 abetos para a súa decoración colectiva, que se distribuirán nas 11 localizacións polas distintas parroquias.
Finalmente, Sanxenxo volverá despedir o ano cun espectáculo pirotécnico co que encherá de luces a noite do 31 de decembro. Será a partir das 20 horas, antes da cea, cando desde o porto se lancen os fogos artificiais que se converteron nun motivo máis para visitar o municipio. Pola tarde, a praia de Silgar acollerá o Chapuzón Solidario co que se recadará fondos para a investigación do cancro infantil.
 [PDF] SANXENXO NO NADAL | [ ] |
