A Concellería de Educación ofertou 940 prazas, das que se cubriron 704 e 5 corresponden a nenos e nenas con necesidades específicas de atención.
Sanxenxo, 8 de xuño de 2026.- A Concellería de Educación publicará hoxe a listaxe de escolares admitidos no Plan Concilia, que son practicamente a totalidade dos solicitantes, agás 17 familias que non presentaron a documentación requirida ou que non cumpren os requisitos establecidos.
A principal novidade do Plan Concilia 2026 é que a súa cobertura abrangue todo o período de vacacións escolares, desde o 22 de xuño ata o 8 de setembro. As prazas dispoñibles e as finalmente cubertas nos colexios O Telleiro de Noalla e A Florida de Sanxenxo son as seguintes:
| Período | Prazas dispoñibles | Prazas solicitadas |
|---|---|---|
| 22 - 30 de xuño | 94 | 60 |
| 1ª quincena de xullo | 188 | 160 |
| 2ª quincena de xullo | 188 | 151 |
| 1ª quincena de agosto | 188 | 143 |
| 2ª quincena de agosto | 188 | 136 |
| 1 - 8 de setembro | 94 | 54 |
| TOTAL | 940 | 704 |
As familias poderán levar aos seus fillos e fillas no horario que mellor se adapte ás súas necesidades laborais ou persoais, entre as 8:00 e as 15:30 horas.
Outra das novidades desta edición é que as 940 prazas ofertadas incluían 8 reservadas para nenos e nenas con necesidades específicas de atención, das que finalmente se solicitaron 5.
O Plan Concilia é un servizo de apoio ás familias durante a tempada estival que foi evolucionando co obxectivo de adaptarse ás súas necesidades mediante a ampliación de horarios, centros e, este ano, ofrecendo servizo durante a totalidade do período de vacacións escolares.
