A taxa de paro e o número de afiliados á Seguridade Social superaron as expectativas máis optimistas

Sanxenxo, 15 de setembro de 2026.- Non hai mellor termómetro da economía dun municipio —no caso de Sanxenxo, do turismo, que supón o 85% da actividade económica— que as cifras de paro e de afiliación á Seguridade Social.

A análise das cifras de emprego de xuño, xullo e agosto acredita 3 fitos:

1. Por primeira vez, a taxa de paro baixa do 5% nun mes de xuño, ata situarse no 4,66%. Na serie histórica, o paro só conseguira baixar do 5% en xullo (4,71%) e agosto (4,80%) de 2025.

2. Este verán, por primeira vez, Sanxenxo conseguiu baixar a taxa de paro do 4,50%, ata o 4,31% en xullo e o 4,15% en agosto. Segundo os expertos, baixar do 5% xa supón un gran logro; que a taxa caese por debaixo do 4,50% constitúe un fito.

3. É a primeira vez desde 2006 que o paro baixa en agosto. O habitual é que suba; por exemplo, o ano pasado aumentou en 8 desempregados e en 2024 foron 10. Porén, este ano pechouse o mes con 14 parados menos.

Por último, o número de afiliados á Seguridade Social marcou en xullo un novo récord, con 8.874 persoas, o que supón 218 afiliados máis que no mesmo mes do ano pasado (8.656).