Un grupo de 70 nenos e nenas de Educación Infantil do CEIP O Cruceiro visitaron a biblioteca de Vilalonga. 

Esta visita forma parte do programa “Coñece a túa biblioteca”, ofertado pola Concellería de Cultura e Educación a tódolos centros educativos do Municipio. 

Estas visitas adáptanse en función da idade dos participantes. Por iso a de hoxe foi unha primeira toma de contacto ao uso das bibliotecas e os nenos e nenas puideron desfrutar de un contacontos e de actividades relacionadas coa busca de libros e representación dos mesmos . 

Logo destas visitas, a rede de bibliotecas do municipio aprecia o resultado das mesmas co aumento do número de altas en usuarios. Ademais pretenden ser unha iniciativa que fomente o uso e desfrute destes espazos dende as idades máis temperás.