Este ano, o 17 de maio, para o Concello de Sanxenxo é un día máis especial, se cabe. É por iso, que durante todo este mes estase desenvolvendo unha programación onde destacan: cultura, tradición e música galega. #SanxenxoFala
Sanxenxo Fala é un proxecto que pretende facer visible todos os programas e actividades, tanto organizadas polo Concello, como por diferentes asociacións, que teñen como protagonista o galego.
Este ano as Letras Galegas están dedicadas a Mª Victoria Moreno, que foi profesora no IES Vilalonga. Esta escritora infantil e xuvenil non pasou desapercibida entre o alumnado do IES.
Por todo isto, o próximo 17 de maio, o lugar elixido para a celebración do acto de homenaxe a Mª Victoria Moreno é a Praza Pública de Vilalonga, ás 12.00h. En el participará a compañía de teatro Bandullo Azul, coa representación da obra “Mar Adiante” e teremos actuacións de Os Cruceiros de Vilalonga, Airiños da Lanzada, Soalleira de Dorrón, Abiñadoira de Sanxenxo, Retesías, Os Gatiños e Lembranzas de Portonovo.
Haberá unha entrega de premios do Concurso Picariños, organizado polo CCD Sanxenxo e varios exalumnos da autora falarán de ela, para que poidamos coñecer máis sobre a súa vida e obras.