Trinta e oito días antes do previsto, anunciamos onte a conclusión das obras e xestións no parque empresarial de Nantes o que deixa vía libre á recepción e posta en funcionamento do polígono. Será ademais con “custo cero” para os seus propietarios.  

• Todas as obras de urbanización pendentes acabáronse cun custo final de 261.679 € (un aforro de 105.825 € con respecto ao orzamento inicial, 367.504 €).

• Fai un par de meses asinouse un convenio con Unión Fenosa, que permitiu aforrar 300.000€ na rede de media tensión.

• E, por último, o martes chegou ao Concello a autorización de Augas de Galicia para seguir utilizando a depuradora tal e como prevé o plan parcial aprobado en 2005.

En conclusión:  

• Un. Cumprimos o noso compromiso de poñer en marcha o parque empresarial.

• Dous. Fixémolo no prazo que nos comprometemos, que finaliza o 22 de outubro.

• E tres. Fixémolo sen custo para os propietarios. É dicir, non terán que achegar os 638.000 € que aprobou a asemblea en febreiro.