Despois de tres meses desde a súa apertura, o pasado 15 de xuño, a feira multisectorial poñía fin á súa estancia en Portonovo, cunha duración superior a todos os anos anteriores que viña organizando.
A empresa Target S. L foi a encargada da montaxe das 80 casetas, que tiñan un horario de apertura de 11.00 a 14.30 h e de 16.30 h. a 02.00 h.
Esta feira é un punto de encontro entre artesáns, mozos creadores e comercios que mostran os seus produtos. O obxectivo é crear un atractivo turístico e unha alternativa lúdica e de entretemento para veciños e visitantes que dinamice a actividade económica de Portonovo.
Este ano traballouse para que a feira dese un salto de calidade importante, sendo un atractivo no municipio, estando satisfeitos co resultado. E para iso elaborouse un prego de condicións con moito máis tempo de dedicación que o pasado ano. Este prego foi máis esixente e valoráronse especialmente as características e a calidade dos materiais das casetas, así como a imaxe conxunta da feira.
O goberno ponse a traballar para a redacción dun prego para o próximo ano, analizando e mellorando en todo o que sexa posible. Ademais, quérese agradecer á empresa, a vendedores e a todas aquelas persoas que colaboraron no desenvolvemento da feira, pola súa implicación e bo facer.