Un ano máis a parroquia de Adina celebra as súas festas en honra a San Miguel o próximo fin de semana.
O sábado pola mañá haberá tirada de lumes inaugurando as festas. A tarde será amenizada cunha charanga e xa a verbena comezará ás 22:00 horas coa actuación de orquéstralas Tango e Saudade. A media noite realizarase o sorteo de 2 xamóns.
A mañá do domingo será a cargo dos grupos de gaitas Os Gatiños e Lembranzas. Ás 12:00 horas terá lugar a solemne misa en honra a San Miguel e seguidamente a procesión. Despois haberá sesión vermú coa música do Trío A Noite e degustación dunha gran paella. Os nenos poderán gozar dos inchables e a partir das 17:30 da tarde de xogos tradicionais. Ás 21:30 volverá á verbena o Trío A Noite.