O rexistro en papel desaparece da sede de Cultura pero poderá presentarse da mesma maneira no rexistro xeral do Concello e a través da sede electrónica que xa entrou en vigor para outros trámites e agora poderá utilizarse tamén para inscribirse ás diferentes actividades que ofrece o Concello. Así é que, a partir de agora existen dúas formas de presentar as inscricións e calquera outro trámite dirixido ao Organismo Autónomo de Terra.
Unha forma é presentar a folla de inscrición ou documento no rexistro do Concello, basta con deixar rexistrada a folla de inscrición ou documento do mesmo xeito que se facía anteriormente no Pazo Emilia Pardo Bazán.
Outra forma é a modalidade telemática a través da sede electrónica onde se deben seguir dous pasos:
1º.- Solicitar un usuario e contrasinal no Rexistro do Concello para poder iniciar sesión na sede electrónica, sede.sanxenxo.es.
2º.- Unha vez feito isto, entrando na sede electrónica picaremos na parte dereita na que pon nova solicitude electrónica. Aí xerarase o documento necesario a cubrir e seguindo as sinxelas instrucións da páxina quedará rexistrado.