O proxecto no que está a traballar o goberno triplica a superficie do parque infantil que pasará de 553 m2 aos 1.759 m2. Estará divido en distintas zonas, segundo as idades dos usuarios, pero cunha temática común. O proxecto contempla unha zona de xogos para unha franxa de idade que agora non existe, de 8 a 16 anos. Ademais, varios dos novos elementos están deseñados para que poidan ser utilizados polas persoas en cadeiras de rodas.
Zona de 0 - 5 anos
Equipo combinado con 2 tobogáns e rube, xogos musicais, teléfonos, randeeira cesta e randeeiras berces, balancín de integración, xogos de peirao, un gran multi xogo formado por montañas a distintas alturas con rede de rube, pontes, paneis de actividades adaptados a persoas con discapacidade, saltarinas e tobogáns de ladeiras.
Zona de 3 - 10 anos
• Triplo pórtico de randeeira con cesta, asentos planos e asento de integración.
• Equipo combinado de 2 torres con 2 tobogáns, barras de esvaramento e rubes e un giratorio especialmente deseñado para acceso en cadeira de rodas.
• Tirolesa de 30 m de longo para nenos a partir de 4 anos.
Zona de maiores 8 - 16 anos
• Gran torre de 7 m de alto con plataformas a distintas alturas, con acceso por redes de corda e 3 tobogáns: un en espiral pechado, outro recto e outro ondulado aberto.
• Rube de corda con forma de V investida cunha superficie de 40 m2 con muro de escalada e cordas verticais con apoios a 2 m de altura.
• Randeeira con estrutura de aceiro e unha corda de 4 m de longo sustentada por cadeas onde se poden balancear moitos nenos de pé ou sentados
• Gran randeeira pendular cunha viga inclinada de aceiro da cal colga unha plataforma de 1 m de diámetro con movemento en todas as direccións onde poden balancear de pé e sentado.
Estas 3 zonas irán sobre pavimento de caucho continuo de distintas cores que engaden un valor lúdico e imaxinativo á área de xogo. O resto da superficie quedará cuberta por céspede artificial antiestático. No propio céspede instalarase un camiño composto por distintas texturas para a estimulación dos sentidos.
Complementa esta zona de lecer un gran circuíto para triciclos e bicicletas cunha lonxitude de 200 metros linéales, separado do parque infantil por unha gran bancada curva de 40 m lineais. Un proxecto destas características está valorado nuns 350.000 €.
