Xa se poden presentar as solicitudes en Servizos Sociais e Igualdade para participar no programa Termalismo Social Tempada 2019

Neste programa poderán participar as persoas que cumpran os seguintes requisitos:

- Ser pensionista do Sistema da Seguridade Social, polos conceptos de xubilación ou de invalidez.
- Ser pensionista de viuvez con 55 anos de idade.
- Ser pensionista por outros conceptos ou perceptor de prestacións ou subsidios de desemprego, con 60 ou máis anos.
- Valerse por si mesmos e non padecer trastornos mentais graves ou doenzas infecto contaxiosas.
- Precisar os tratamentos termais que se solicitan.

Hai dúas datas límite para enviar solicitudes, que varían segundo os meses nos que desexe participar no programa:

- Para as quendas dos meses de febreiro ata agosto, ata o 11 de xaneiro e ata o 16 de maio no caso de que sexa para a súa inclusión na lista de espera de prazas.
- Para as quendas de setembro a decembro, ata o 17 de maio e ata o 31 de outubro, no caso de que sexa para a súa inclusión na lista de espera de prazas.

Para máis información sobre este programa de termalismo social, as persoas interesadas poden dirixirse ao Centro Municipal de Servizos Sociais en Portonovo, ou chamar ao número de teléfono 986.72.79.01.