O Camiño Barbeito é un viario moi utilizado diariamente, sobre todo polas persoas que acceden por el ao Colexio Abrente.
Debido ao uso e ao paso dos anos, atopábase moi deteriorado, con grandes fochancas e roturas no pavimento que formaban charcos e dificultaban o paso do tránsito rodado.
Os traballos que se están realizando consisten na instalación de recollida de pluviais, cos seus correspondentes sumidoiros e a pavimentación con aglomerado en quente. Esta actuación ten un orzamento que ascende a 10.000€.