Esta semana comezaron as obras do Camiño de Barbeito, un vial cun alto uso diario, sobre todo polas persoas que acceden por el ao Colexio Abrente.
Debido ao uso e ao paso dos anos, atopábase moi deteriorado, con grandes fochancas e roturas no pavimento que formaban charcos e dificultaban o paso do tránsito rodado.
Nun primeiro momento íase executar a nova pavimentación do vial, pero unha vez estudada a situación da rede de abastecemento de auga, levarase a cabo unha substitución da mesma, a instalación de recollida de pluviais, cos seus correspondentes sumidoiros e a pavimentación con aglomerado en quente.