Onte tivo lugar a presentación da programación da II Feira MIXx organizada polo Concello e Entretendas, que terá lugar os días 18, 19 e 20 de abril na Carpa instalada en Praza do Mar.

Entre as actividades haberá catas de viños, degustacións de cervexa, showcooking, demostracións de cócteles, exposicións de fotografía, actuacións musicais ... entre outras, ademais do desfile de moda de Sanxenxo Fashion Parade que terá lugar o xoves ás 20:00 horas.

Nas tendas do Outlet estarán presentes as tendas locais, coa moda de Sanxenxo aos mellores prezos e estarán abertas dende as 11:00 ata as 22:00 horas.