A rede de aloxamentos turísticos de Sanxenxo segue crecendo e xa alcanza a cifra de 25.576 prazas, o que supón o 17,86% do total de Galicia. A capital turística das Rías Baixas é o destino turístico con máis prazas de hospedaxe do norte de España. Ademais, Sanxenxo conta con 12.211 segundas residencias que suman máis de 50.000 prazas de aloxamento, aínda que neste caso sexan en propiedade.
Sanxenxo con 9.931 prazas hostaleiras supera a cidades como Bilbao (8.154), Santiago de Compostela (7.993) e San Sebastián (5.854). Se, ademais, tense en conta o resto dos aloxamentos turísticos a diferenza en favor de Sanxenxo é aínda maior.
Segundo os datos que publica o Instituto Nacional de Estatística sobre os 106 destinos turísticos máis importantes de España, Sanxenxo ocupa o posto 23 polo número de prazas hostaleiras e o 35 polas segundas residencias.
As 25.576 prazas de aloxamento distribúense:
- Cámpings: 4.184 prazas
- Vivendas de uso turístico (Aviturga): 8.622 prazas
- Apartamentos 1-3 chaves: 2.839 prazas
- Hoteis: 9.931 prazas
As 9.931 prazas hostaleiras distribúense:
- Hoteis de 4 estrelas: 1.537 prazas
- Hoteis de 3 estrelas: 2.749 prazas
- Hoteis de 2 estrelas: 3.060 prazas
- Hoteis de 1 estrela: 1.451 prazas
- Pensións 1 a 3 estrelas: 1.056 prazas
- Casas rurais: 78 prazas
O goberno considera que Sanxenxo debe estar moi orgulloso do que conseguiu nas dúas últimas décadas e, aínda que nestes momentos o sector turístico estea a pasar por un momento malo, está seguro que a "profesionalidade e a calidade que lles caracteriza permitirá que, unha vez superada a pandemia, se melloren vos marcas turísticas alcanzados de 2017 a 2019".
