A actividade está organizada pola Concellería de Medio Ambiente coa colaboración de Albia Servizos Funerarios

 

 

Area de Agra, Nanín, Baltar, Major e Montalvo recibirán o vindeiro venres a 156 escolares dos colexios Magaláns, A Florida, Portonovo, O Cruceiro e Nantes que se encargarán durante dúas horas e media da limpeza dos areais e a súa contorna. O obxectivo desta iniciativa de educación ambiental é incidir na importancia do coidado do medio ambiente e a sensibilización co lixo depositado no mar.

 

A Concellería de Medio Ambiente, dirixida por Juan Deza, organiza esta actividade en colaboración con Albia Servizos Funerarios que volve mostrar a súa sensibilidade co coidado da contorna e encargarase de proporcionar o material de limpeza e fretar dous autobuses para o desprazamento dos centros máis afastados dos areais, Montalvo e Major. A actividade levarase a cabo entre as 10 e as 12:30 horas do próximo venres, en cinco areais do municipio, un día antes do Día Mundial do Medio Ambiente.

 

O Concello de Sanxenxo mantén a súa implicación coa protección da súa contorna natural e xa traballa nunha iniciativa que levará a cabo nos centros escolares, a partir do próximo curso, para incentivar o coidado do medio ambiente entre os máis pequenos e onde se traballarán as 3 R (reducir, reutilizar e reciclar).