O goberno retoma os plans de crecemento como destino turístico en tempada baixa coa vista posta no Nadal
Superada a fase máis complicada do Covid, o goberno retoma os seus plans de crecemento en tempada baixa e recupera algunhas das iniciativas que se tiveron que suspender pola pandemia baixo o slogan "Sanxenxo 365 días diferentes". As praias, paisaxes e gastronomía, que converteron a Sanxenxo en líder do norte de España no verán, son diferentes e mesmo máis atractivas o resto do ano. Ademais, vanse a promocionar recursos menos coñecidos como o patrimonio, a observación de aves ou os servizos de saúde e benestar.
E dentro destes plans, o Nadal convértese nun período prioritario porque pode acabar converténdose na "terceira tempada alta" de Sanxenxo despois do verán e a Semana Santa. No nadal previo á pandemia, 2018 e 2019, Sanxenxo encheu as 2.000 prazas dispoñibles e incrementou a actividade hostaleira. Nesa liña enmárcase a mellora da iluminación do Nadal e este ano, por primeira vez, Sanxenxo vai facer unha tirada de fogos artificiais en Fin de Ano. Para os próximos períodos do Nadal, o goberno prevé incrementar a actividade coa creación dun mercadillo do Nadal que impulse o comercio e a hostalaría.
O goberno vai, ademais, a reforzar a marca Sanxenxo cunha campaña de promoción de destino en tempada baixa dirixida a potenciais visitantes de proximidade durante os meses de novembro e decembro. O obxectivo é atraer os fins de semana visitantes galegos que en moi pouco tempo pódense desprazar desde calquera punto da comunidade.
A tempada baixa non puido empezar mellor tendo en conta a ocupación de hoteis, apartamentos e a actividade hostaleira durante a ponte do Pilar, case parecía tempada alta. Un dato significativo é a recadación do parking que alcanzou os 10.213 euros, fronte aos 6.697 euros de 2018 e os 3.693 euros de 2017 anos nos que a ponte tamén foi de 4 días. As pontes de todos os Santos (3 días) e a Constitución (5 días) contribuirán a consolidar a recuperación da actividade este outono.
A pandemia interrompeu os plans do goberno para a tempada baixa, polo que o goberno tivo que concentrar esforzos e recursos en garantir a seguridade dos visitantes no verán. Agora o alcalde móstrase moi convencido "imos a traballar con toda a nosa capacidade e dedicación para facer de Sanxenxo un destino turístico os 365 días do ano. É unha tarefa difícil, que vai levar tempo e esforzo, pero é un reto apaixonante que mellorará o futuro de Sanxenxo".
Por último, a mellora de equipamentos e espazos naturais aumentarán o atractivo de Sanxenxo na tempada baixa. O Pazo de Quintáns, que será un revulsivo para a gastronomía, as melloras na praza do Mar cun amplo espazo, o umbráculo, para acoller calquera evento ou actuacións en espazos naturais como a recuperación do litoral da ría de Arousa, a punta da Lanzada e a ruta do río Dorrón, entre outras.
