O acto será aberto ao público e terá lugar este venres, a partir das 20:30 horas, no Pazo de Emilia Pardo Bazán

O Concello de Sanxenxo homenaxeará coa Gala do Deporte aos seus 33 clubs e deportistas locais. O acto celebrarase este venres no Pazo de Emilia Pardo Bazán a partir das 20:30 horas. O concelleiro da área, Daniel Arosa, explica que se trata de "agradecer o traballo que fan e o bo papel que desempeñan nas distintas disciplinas deportivas coas que levan o nome de Sanxenxo polo mundo".

Establécense 11 categorías con tres candidatos e 3 cun só candidato, "O mellor deportista veterán", "O evento deportivo máis antigo do municipio" e "Unha vida adicada ao deporte" que se darán a coñecer na gala. Ademais, entregaranse 5 mencións especiais a persoas que colaboran de forma crave no desenvolvemento deportivo do municipio. A elección destes deportistas e entidades premiadas realizouse valorando o seu papel durante 2021, un ano especialmente complicado para a práctica de deporte colectivo debido á pandemia. Ademais, un dos requisitos é estar empadroado no Concello de Sanxenxo. O acto abrirase e pechará cunha actuación dos alumnos da Escola de Música de Sanxenxo.

Por categorías establécense os seguintes nomeados:

• Mellor Deportista Feminina elite 2021: Sara Durán (Piragüismo), Nuria Torres (Fútbol) e Marta Méndez (Fútbol).
• Mellor Deportista Masculino elite 2021: Jacobo García (Pesca Submarina), Lautaro de León (Fútbol) e Marcos Martínez Pena (Bicicleta).
• Mellor Deportista Feminina Amateur 2021: Uxía Rozas (Atletismo), Sabela Martínez (Atletismo) e Mariña Pérez (Ximnasia Rítmica).
• Mellor Deportista Masculino Amateur 2021: Adan Güimil (Tiro Olímpico), Anxo Torres (Enduro) e Eric Rodríguez (Billar).
• Mellor Club ou Asociación deportiva 2021: Club Piragüismo de Portonovo, Círculo Cultural Deportivo de Sanxenxo e Club Corbelo.
• Unha Vida adicada ao deporte
• Mellor Adestradora 2021: Beatriz Graña Moldes (Ximnasia Rítmica), Fátima Cortegoso (Voleibol) e Elena Pérez (Fútbol sala).
• Mellor Adestrador 2021: Jose Manuel Vallejo (Piragüismo), Juan Alarcón (Fútbol) e Moisés Lucas Salazar (Salvamento).
• Club con mellor labor no deporte base 2021: Saraiba do Mar. Club de Piragüismo de Portonovo e Sanxenxo Balonmán.
• Mellor patrocinador deportivo: Viaxes InterRías, Garaxe Progreso e Exnor Sanxenxo.
• Mellor evento deportivo 2021: Ciclocrós Con da Romaíña, Campionato Europa Vela 6m e Rally de Pontevedra.
• Lenda do Deporte en Sanxenxo
• Mellor Deportista veterano
• Evento máis antigo do municipio