O salón de actos do Pazo acolleu esta mañá o sorteo entre os 974 empadroados no municipio
A concelleira de Educación e Cultura, Paz Lago, presidiu esta mañá o sorteo para elixir os nenos e nenas que poderán acompañar aos Reis Magps na cabalgata o próximo 5 de xaneiro. No acto e representando ás distintas parroquias tamén estiveron membros das Anpas. En total elixíronse a 31 nenos e nenas, nacidos en Sanxenxo entre o 1 de xaneiro de 2011 e o 31 de decembro de 2017, que poderán ir a bordo do Tren Mago na comitiva da Cabalgata de Reis.
Tras consultar o padrón municipal, son 974 os que reúnen os requisitos e que puideron entrar no sorteo. Facendo unha distribución proporcional, o número de prazas por cada parroquia resultou o seguinte:
- Adina: 9
- Dorrón: 3
- Bordóns: 1
- Padriñán: 7
- Vilalonga: 5
- Nantes: 2
- Noalla: 4
O vindeiro luns, a Concellería de Cultura e Educación porase en contacto coas familias. No caso de non querer participar, o Concello dispón dunha lista de suplentes.