Sanxenxo volve un verán máis a revalidar a calidade da auga nas súas praias. As mostras periódicas tomadas pola Consellería de Sanidade dentro do programa de vixilancia das zonas de baño lograron en 239 controis dos 240 realizadas a calidade de excelente. Só nun das mostras, un dos dous parámetros logrou o resultado de bo cunha cifra lixeiramente superior ao límite para lograr a cualificación de excelente na praia de Silgar, que recuperou en analíticas posteriores. Ata o momento realizáronse 6 controis. Un previo en maio con dous días de toma de mostra; dous en xuño con 5 tomas; 2 en xullo con 4 tomas e 4 en agosto. Quedan aínda catro controles máis para concluír a inspección sanitaria da tempada de baño, pero os resultados avalan a calidade das augas.

No programa de vixilancia das zonas de baño, a Consellería de Sanidade mide a presenza na auga de Escherichia coli e de Enterococos intestinais, porque son os factores máis comúns que delatan un episodio contaminante na auga. A calidade da auga é un dos parámetros craves para optar á bandeira azul, Sanxenxo conta 17 insignias, o récord de España, que revalida ano tras ano. As praias que contan con este distintivo son A Lanzada, A Lapa, Nosa Señora, Areas, Areas Gordas, Baltar, Bascuas, Canelas, Caneliñas, Espiñeiro-A Lanzada, Foxos, Major, Montalvo, Panadeira, Paxariñas, Silgar e Pragueira. Sanidade tamén examina Pampaído e Carabuxeira, que aínda que non izan o emblema de Adeac, obtiveron nestes controis a calidade de auga excelente.

 

As obras de substitución dos 315 metros de tubaxe de formigón de augas residuais, paralela ao río que desemboca na praia de Nanín, xa tivo uns resultados positivos na calidade da auga da praia. Nos tres controles realizados pola concesionaria Espiña e Delfín tras os traballos obtívose unha calidade de auga excelente. O Concello de Sanxenxo continuará controlando a auga con mostras periódicas.