A nova zona de estacionamento estará dispoñible desde esta fin de semana ata o 31 de agosto

Sanxenxo, 27 de xuño de 2024.- Portos de Galicia e Concello de Sanxenxo asinaron esta mañá a renovación do convenio para habilitar desde esta fin de semana e ata o próximo 31 de agosto unha zona de estacionamento libre no varadero de Portonovo. Esta medida, que xa levou a cabo en anos anteriores, conta co beneplácito das entidades implicadas, Portos de Galicia, Concello de Sanxenxo e Confraría de Pescadores de Portonovo. Con este acordo, respóndese a unha necesidade de espazos para aparcar que demanda a hostalaría local. O espazo utilizado como aparcadoiro no varadero pon a disposición de veciños e visitantes ao redor de 80 prazas. Durante a mañá do luns, 1 de xullo, este espazo permanecerá pechado para proceder a unha limpeza de toda a zona por parte de Portos de Galicia.