Concello de Sanxenxo - Festas
T: 986 72 00 75 - F: 986 72 10 22  | 
Concello de Sanxenxo

Turismo

A Concellería de Festas ten como obxectivo principal o fomento da participación nas distintas manifestacións culturais e lúdicas celebradas durante todo o ano nas distintas parroquias e núcleos do noso municipio, mediante a organización e apoio ás distintas comisións de festas.

Para iso, colabora e realiza distintos programas para levar a cabo as diferentes festas que cronoloxicamente comezan en Nadal coa cabalgata de Reis, o Entroido, a Semana Santa, ademais das festas populares e patronais que se organizan nos diferentes núcleos de veciñanza.

As tradicionais cabalgatas de Reis celébranse o 5 de xaneiro, cun desfile de carrozas e co seu séquito que percorren as diferentes rúas do municipio.

O Entroido dispón dunha gran acollida nos últimos anos e ten como momento máis importante o acto organizado coa colaboración dos pubs e discotecas da zona de marcha, no que a participación é notoria e vai en aumento, onde diferentes comparsas formadas por grupos deléitannos cos seus disfraces e shows no escenario creado para a ocasión. Igualmente celébranse nestas festas os enterros da sardiña en Portonovo, o enterro da cabra en Vilalonga, que pon o punto final aos actos festivos relacionados con esta festa.

Desde o Departamento de Cultura tamén se colabora coas celebracións festivas nas diferentes parroquias, tomando como referencia as festas patronais de cada unha delas mediante subvencións.

De entre estas festas destacan:

 

FESTAS RELIXIOSAS

As festas en Sanxenxo na súa maioría son romarías, as cales son un tipo característico de festa que combina a relixiosidade (misa acompañada de procesión) coa festa profana (verbena, cantinas ao aire libre, folclore - gaitas e muiñeiras-, etc.).

A estas romarías tradicionalmente acudía a freguesía en busca dalgún favor, polo que ofrecían ao santo algún agasallo, destacaban animais, ovos, esmolas, ou figuras normalmente de cera, cuxa poxa contribúe ao mantemento do templo.

Outra característica das festas de Sanxenxo é que se escoitan profusamente, ao longo de todo o día, as potentes bombas de palenque que lembran a toda a veciñanza, visitantes e habitantes das poboacións próximas, que hai festa nas distintas parroquias que conforman o noso municipio, á vez que serven para honrar ao santo.

Os fogos artificiais que cumpren un labor similar resaltan maiormente o carácter festivo do festexo que se estea a celebrar. No noso municipio lánzanse fogos artificiais na festividade de San Roque en Portonovo o 16 de Agosto e en Santa Rosalía en Sanxenxo o día 4 de setembro.

A 'muiñeira', a música das gaitas, as ' pulpeiras e pulpeiros', os postos de rosquillas... son outras tantas pervivencias tradicionais que seguen sendo parte importante das festas do noso municipio.

 

CALENDARIO DE FESTAS

Todas estas celebracións levan consigo verbenas e actos litúrxicos. Algunhas destas datas poden sufrir cambios por pasarse á fin de semana.

 

FESTAS PATRONAIS DE VERÁN

 

++ FESTAS NA HONRA DE SAN TOMÉ:

Data: 1 de maio

Lugar: Gondar – Vilalonga

 

++ FESTAS NA HONRA DE SAN ANTONIO

Data: 1º fin de semana de maio

Lugar: Aios - Noalla

 

++ FESTAS NA HONRA DE SAN ANTONIO

Data: 13 de xuño

Lugar: Porto de Sanxenxo

 

++ FESTAS NA HONRA DE SAN XOÁN

Data: 24 e 25 de xuño

Lugar: Capela de Aios-Noalla

 

++ FESTAS NA HONRA DE SAN XOÁN E SANTA ANA

Data: 23, 24 e 25 de xuño

Lugar: O Santo - Nantes

 

++ FESTAS NA HONRA DE SAN PEDRO E SAN ANTONIO

Data: 28 e 29 de xuño

Lugar: Vilalonga

 

++ FESTAS NA HONRA DE VIRXE DO CARME

Data: 16 de xullo

Lugar: Vilalonga

 

++ FESTAS NA HONRA DE SAN CRISTÓBAL

Data: 10 de xullo, (celebración fin de semana mais próximo)

Lugar: Portonovo

 

++ FESTAS NA HONRA DE SAN ANTONIO E DA VIRXE DO CARME

Data: 19 e 20 de xullo (celebración fin de semana máis próximo)

Lugar: Dorrón

 

++ FESTAS NA HONRA DA VIRXE DO CARME

Data: 24 e 25 de xullo

Lugar: Noalla

 

++ FESTAS NA HONRA DE SAN ROQUE

Data: 14-19 de agosto

Lugar: Portonovo

 

++ FESTAS NA HONRA DE SAN XENXO E O DÍA DO TURISTA

Data: 24 e 25 de agosto

Lugar: Sanxenxo

 

++ FESTAS NA HONRA DE NOSA SEÑORA DA LANZADA

Data: Última fin de semana de agosto

Lugar: Ermida da Lanzada

 

++ FESTAS NA HONRA DAS DORES E SAN ROQUE

Data: última fin de semana de agosto

Lugar: Dorrón

 

++ FESTAS NA HONRA DE SANTA ROSALÍA E DA VIRXE DO CARME

Data: 3,4 e 5 de setembro

Lugar: Sanxenxo

 

FESTAS PATRONAIS DE INVERNO

 

++ FESTAS NA HONRA DE SAN AMARO

Data: 15 e 16 xaneiro

Lugar: Arra – Portonovo

 

++ FESTAS NA HONRA DE SAN MIGUEL E DO ROSARIO DE ADINA

Data: 15 e 16 xaneiro (fin de semana máis próximo)

Lugar: Adina

 

++ FESTA DA VENDIMIA

Data: 1º sábado de outubro

Lugar: Dorrón

 

++ FESTAS NA HONRA DE SAN MIGUEL E DO ROSARIO

Data: 15 de outubro (celebración fin de semana máis próximo)

Lugar: Adina

 

++ FESTAS NA HONRA DE SANTA CATALINA

Data: 29 de novembro (celebración fin de semana máis próximo)

Lugar: Portonovo

 

++ FESTAS NA HONRA DE SANTA BÁRBARA

Data: 1º domingo de decembro

Lugar: Aios – Noalla

 

++ FESTAS NA HONRA DE SANTA EULALIA E SAN ANTONIO

Data: 6 e 7 de decembro (celebración fin de semana máis próximo)

Lugar: Nantes

 

++ FESTAS NA HONRA DE SAN TOMÉ (non hai verbena)

Data: 21 de decembro

Lugar: Gondar – Vilalonga

 

++ FESTAS NA HONRA DE SAN ESTEVO

Data: 26 de decembro

Lugar: Noalla

 

++ FESTAS NA HONRA A SAN XOÁN (non hai verbena)

Data: 27 de decembro

Lugar: Dorrón

carnavales