Entramos directamente nun dos pratos fortes que ofrece Sanxenxo ao visitante: o turismo náutico. Sanxenxo debido á suavidade do seu clima todo o ano, unida aos amplos areais dos que dispón en todo o municipio, fai de Sanxenxo un enclave idóneo para a práctica de deportes náuticos.

Ao turista ofréceselle a posibilidade de practicar todo tipo de deportes náuticos como a vela lixeira ou de cruceiro, as rutas en catamarán, o surf, as canoas, o esquí-acuático, o kaiak, o submarinismo nas inmediacións do Parque Nacional das Illas Atlánticas, ect.

Poucos lugares da costa española reúnen as condicións que se dan na Ría de Pontevedra para a práctica de deportes náuticos. Por iso, en Sanxenxo celébranse importantes regatas como o Trofeo Presidente Xunta de Galicia ou o Circuito Nacional Clase 6mR. A súa Maxestade o Rey Don Juan Carlos I, que afai a participar neste circuito a bordo do Bribón, encomiou en diferentes ocasións as favorables condicións que ofrece Sanxenxo para a práctica da vela. 

Sanxenxo foi seleccionado en numerosas ocasións por equipos de competición profesionais como o prestixioso Illbruck xermano, gañador da Volvo Ocean Cup, que elixiu esta auga debido á variedade de ventos e as excelentes condicións de navegación durante todo o ano. Actualmente é a base oceánica da Volvo Ocean Race.

Así, Sanxenxo dispón dun dos mellores portos deportivos da península tras a total renovación e ampliación das súas instalacións. O novo porto deportivo está dotado de 400 puntos de amarre, algúns deles con dobre finger e servizos como auga, electricidade e o travelift deportivo máis grande de Galicia (75 Toneladas), gran zona comercial con restaurantes, tendas, equipamentos náuticos, parking cuberto coroado por un espazo aberto peonil de máis de 8.000 metros cadrados.

DIRECTORIO NÁUTICO:

©2016 OrdaSoft.com All rights reserved.